बर्दिया, भदौ २(फरकसमाचार)
भन्सार छली अबैध रुपमा ओसार पसार गर्दै गरेको विभिन्न सामान सशस्त्र प्रहरीले मंगलबार बरामद गरेको छ । सशस्त्र प्रहरी बल नेपाल नम्बर ३१ गण हेड क्वाटरको मातहत युनिटबाट खटिएका सशस्त्र प्रहरी टोलीले सामान बरामद गरेको हो ।
५० लिटर डिजल, विभिन्न जातका तीन हजार माछाका भुरा, साल जातको काठ, सुर्तिजन्य पदार्थ र कवाडी सामान सशस्त्र प्रहरीले बरामद गरेको हो । सशस्त्र प्रहरीका अनुसार बरामद सामान मुल्य रु ९२ हजार ७ सय ६० बराबरको छ ।
सशस्त्र प्रहरीले बरामद गरेको विभिन्न जातका तीन हजार माछाका भुरा स्थानीय निकायका प्रतिनिधिहरुको उपस्थितीमा सशस्त्र प्रहरी बल नेपाल नम्बर ३१ गणको परिसरभित्र नष्ट गरिएको छ । बरामद अन्य सामान सम्बन्धित कार्यालयमा बुझाएको सशस्त्र प्रहरी उपरीक्षक नर बहादुर रावतले बताए ।