बर्दिया, भदौ १४ (फरकसमाचार) / भारतबाट अबैध रुपमा नेपाल ल्याउदै गरेको सामान सशस्त्र प्रहरीले आइतबार बरामद गरेको छ ।
सशस्त्र प्रहरी बल नेपाल नम्बर ३१ गण हेड क्वाटरको मातहत बिओपिबाट खटिएको गस्ती टोलीले सामान बरामद गरेको हो । अबैध रुपमा नेपाल ल्याउँदै गरेको मुल्य रु १ लाख ४१ हजार ७ सय ६० बराबरको सामान बरामद भएको सशस्त्र प्रहरीले जनाएको छ ।
बरामद सामानमा चिनी, भेली, सिसाको कचौरा, गिलास, सालको काठ र भारतीय नम्बर प्लेटको १ वटा मोटरसाईकल रहेको छ । प्रहरीले उक्त अबैध सामान बरामद गरी आवश्यक कारवाहीको लागि सम्बन्धित कार्यालयमा बुझाएको सशस्त्र प्रहरी उपरीक्षक नर बहादुर रावतले जानकारी दिए ।