राम प्रसाद चौहान

बर्दिया, असोज  १९

अदालतले कैद वा जरिवाना फैसला गरेर फरार भएका अपराधी नियन्त्रणमा लिएको समाचार त दिनहु आईरहन्छ । तर, दशक अघि देखि पनि २० औ बर्ष कैद हुने फरार अपराधीलाई अझै फरार रहेको पछिल्लो समाचारले पुष्टि गरिरहेको छ ।

पहिलो घटना खटिक पक्राउ भएपछि प्रहरीको अथक मेहनत र प्रयासले सम्भव भएको आँकलन स्थानीय गरेका थिए । पुन १२ बर्ष पछि सम्म फरार रहेका बिहारीलाई प्रहरीले रणनितिक योजना अनुरुप पक्राउ गर्न सफल भएपछि स्थानीइ खुसी छन् । ‘ असम्भव केहि छैन भन्ने लाग्छ’बर्दिया प्रहरी प्रमुख ईश्वर कार्की भन्छन,‘ सिमित स्रोत साधन विच सफलता हात पर्दा हौसला प्रदान भईरहेको छ ।’

कहा पक्राउ परे फरार विहारी र खटिक

कर्तव्य ज्यानमा कैद फैसला भएका बिहारी घटना घटाए लगत्तै भाारत बस्दै आएका थिए । कहिले भारत र नेपालमा बस्दै आएका उनलाई प्रहरीको सहजतामा पक्राउ पर्ने सम्भावना थिएन । त्यहि कारण लामो समय कानुन तोडेर नेपालका अधिकांश ठाउँमा घुमे । बिहारी थारु निर्धक्क घर आउँने जाने खबर भएपनि कसैलाई वास्ता भएन ।

पछिल्लो समय सक्रिय भएको प्रहरीले उनको चलाखी माथी हाबी भएको पुष्टि गरेको छ । बर्दिया प्रहरी प्रमुख कार्कीले अख्तियार गरेको रणनितिक योजना अनुरुप असोज ८ गते सम्म ५२ जना फरार पक्राउ भएको रर्कडले पुष्टि गरेको छ । १२ बर्ष पछि पक्राउ परेका बिहारी प्रहरीको रणनितिक योजना फस्न सफल भएको एसपि कार्की दाबी गर्छन ।

यस अघि प्रहरीले १८ बर्ष पछि फरार क्रिपाराम खटिकलाई पक्राउ गरेका थिए ।बढैयाताल गाउँपालिकाका ३ का जित बहादुर गोदार क्षेत्रीलाई बन्चरो प्रहार गरेर हत्या गरेका खटिकको पनि नेपाल आउँ जाउँ चलिरहेकै थियो । भारतमा व्यबसायीक जिवन व्यस्त उनी प्रहरी रणनितिक योजनाको पासोमा परेका थिए । खटिकलाई पनि दुई दशकको अवधिमा पक्राउ गर्न सफल भएको प्रहरीको दाबी छ ।
गुजरानाका घिरउको हत्या आरोपि पक्राउ

कर्तव्य ज्यान मुद्दाका फरार कसुरदारलाई प्रहरीले १२ वर्षपछि पक्राउ गरेको छ । प्रहरीले बारबर्दिया नगरपालिका–७ का राम बिहारी भन्ने बिहारी थारुलाई नियन्त्रणमा लिएको हो ।

गुलरिया नगरपालिका–२ गुजरानाका घिरउ गोडिया ०६६ साल पुस १५ गते राति आफ्नै घरमा सुतिरहेको अवस्थामा थारुले धरिलो हतियार प्रहार गरि कर्तव्य गरेका थिए । प्रहरीको निरन्तर अनुसन्धानले थारु पक्राउ परेका छन् । प्रहरीले थारुलाई नेपालगंज उप–महानगरपालिका–१८ कारकादो चोक स्थितबाट आईतबार नियन्त्रणमा लिएको हो ।

प्रहरीले जिल्ला अदालतबाट म्याद थप गरी अनुसन्धान भईरहेको जनाएको छ । घटना पश्चात फरार थारु १२ वर्षसम्म दाङ र नेपालगंजमा घर बनाउने मिस्त्रीको रुपमा काम गर्दै बसेको प्रहरीको अनुसन्धानबाट खुलेको छ ।