बर्दिया, असोज २०(फरकसमाचार)
धान तथा गहुँको कारोबार गर्छु भन्ने विश्वास दिलाई ठगी गरी फरार रहेका दुई जनालाई बर्दिया प्रहरीले मंगलबार पक्राउ गरेको छ । जिल्ला कैलाली टिकापुर नगरपालिका–४ अस्नेरी बस्ने ललित खड्का र जिल्ला बाँके कोहलपुर नगरपालिका–३ मदन चौक बस्ने महेश रोकायालाई प्रहरीले नियन्त्रणमा लिएको हो ।
दुवै जनाले धान तथा गहुँको कारोबार गर्ने बहानामा रु ३७ लाख ४७ हजार ५ सय ८५ ठगी गरी फरार रहेका थिए । बर्दिया प्रहरीले दुवैलाई नियन्त्रणमा लिई अनुसन्धान भईरहेको जिल्ला प्रहरी कार्यालयका डिएसपी हेम बहादुर शाहीले जानकारी दिए ।