शनिबार, मङि्सर ०४, २०७८
मा प्रकाशित
0
Shares
बर्दिया, मंसिर४ (फरकसमाचार)
जिल्लाकै ठुलो धनराशीको बर्दिया प्रिमियर लिग क्रिकेट मंसिर १३ गतेबाट सुरु हुने भएको छ । जिल्लामा पहिलो पटक ठुलो पुरस्कार राशीको क्रिकेट लिग नयाँ शिरा युवा क्लवले आयोजना गरेको हो ।
मंसिरको पहिलो साता देखि सुरु हुने भनिएको क्रिकेट विभिन्न कारणले मंसिर १३ गतेबाट सुरु हुने आयोजक नयाँ शिरा युवा क्लवका अध्यक्ष प्रमोद चन्दले जानकारी दिए । क्लबका अध्यक्ष चन्दको स्वर्गीय बुबा बीर बहादुर चन्दको सम्झानामा बर्दिया प्रिमियर लिगको आयोजना भएको हो ।
प्रिमियर लिग क्रिकेट प्रतियोगितामा प्रथम हुने टोलीले रु. १ लाख ११ हजार १ सय ११ पुरस्कार पाउनेछ । त्यसैगरी दोस्रो हुने टोलीले ५१ हजार १ सय ११ पुरस्कार पाउने आयोजक क्लवले जनाएको छ ।
साथै प्रतक खेलको म्यान अफ द म्याचले १ हजार, म्यान अफ द सिरिजले १० हजार, बेस्ट ब्यटर, बलर र उदयमान खेलाडीले ५ हजार हात पार्ने छन् । खेल समुह चरण हुदै सेमी–फाइनल र फाइनल हुनेछ ।
गुलरिया नगरपालिका–४ स्थित कवर्ड हालको खेल मैदानमा हुनेछ ।
आयोजक क्लवले क्रिकेट लिगको प्रेस सम्मेलन मंसिर १० गते गर्ने मिति तय गरेको छ । प्रेस सम्मेलनमा कति टिम कहाँ कहाँबाट सहभागिता जनाउने बारे उल्लेख गर्ने प्रतियोगिता आयोजक क्लवका अध्यक्ष चन्दले बताए ।
