विद्यालय हिँडेका बिद्यार्थीको हत्केलामा ज्यान

बर्दिया, पुस २१

गुलरिया बजारमा विद्यालयको समयमा विद्यार्थी बोकेर स्कुल–घर र घर–स्कुल आवागमन गराउँने भे १ ह ५२५ नम्बरको अटो यतिबेला प्रहरीको निगरानीमा छ । चालक सहित चार जना क्षमता रहेको अटोमा १२ जना बढी अबोध बालबालिका बोकेको आरोपमा ट्राफिक प्रहरीले कागज पत्र नियन्त्रण लिएको छ ।

लामो समय देखि चर्को शुल्क असुल्ने बिद्यालयका गाडीमा यसरी नै निस्सासिएर बिद्यालय पुग्ने बिद्यार्थीको नियति बनेको खुलेको छ । प्रहरी कारबाहीमा परेको अटो थप अनुसन्धान भईरहेको जिल्ला ट्राफिक कार्यालय बर्दियाका प्रमुख प्रहरी नायव निरीक्षक नरेन्द्र बहादुर सिंहले बताए । ‘अटोको कागज नियन्त्रणमा लिएका छौ’उनले भने,‘समता स्कुलका बिद्यार्थी बोकेका खुलेको छ ।’ जिल्लाका अधिकांश निजि बिद्यालयले बिभिन्न सुबिधा दिने नाममा विभिन्न शिर्षकमा चर्को शुल्क असुलेपनि बिद्यार्थी बोक्दा जबरजस्ती गरिरहेको जताततै देखिएको छ ।

स्कुल बसको सुबिधा भनेर बिद्यालयले अझै अन्य शिर्षकमा भन्दा बढि शुल्क लिने गर्छन् । निजि बिद्यालय यस सुबिधा दिए वापत कक्षा र विद्यालयका अनुसार तीन सय देखि पाँच सय रुपैया शुल्क भनेर असुल गरिरहेको पाईएको छ । तर चर्को शुल्क तिर्ने अभिभावकका बच्चा निस्सासिएर बिद्यालय पुग्दा पनि मुख खोल्न नसकेको अभिभावकको गुनासो छ ।

निजि बिद्यालय दिने सुबिधा दिने नाममा मनोमानी गरिरहेको तथ्य सार्वजनिक भएको छ । स्कुल बसले कहिले दुर्घटना निम्त्याउला कि भनेर आम अभिभावकमा त्रासमा छन् । बिद्यालयले सुबिधा दिन भन्दै संचालन गरेको बसमा भने बिद्यार्थीले ज्यानको बाजी यात्रा गर्नु परिरहेको छ ।

ग्रामिण भेगका स्कुलमा रिक्सा मै कोच्चा कोच गरेर विद्यार्थी ओसार्छन् भने सदरमुकाममा बस र रिक्सा मै बेरोकटोक कोच्चा कोच गरि विद्यार्थी लादेर ओसार्छन् । क्षमता भन्दा बढि बिद्यार्थीलाई एकै पटक ओसार्नेमा गुलरिया सदरमुकामका बिद्यालयमा जनज्योति, जनमुखि, सनराईजले संचालन गरेका बसमा सिट भन्दा बढि बालबालिका ओसारेको देखिन्छ ।

यसै गरि गुलरिया र नेपालगंज सडकमा पर्र्ने शुभकामना एकेडेमि, कालिका, रिभर क्युन्स र तिलकानाको एउटा विद्यालयले त्यस्तै गल्ती दोहराईरहेका छन् । ‘बिद्यालयका बस दुर्घटना हुदैनन र त्यसमा बढि बोक्दा ’अभिभावक राम शंकर बर्माले भने,‘हामीले गल्ती औल्याए बच्चालाई गाह्रो हन्छ सोच मनपर्दी बढेको छ ।’ अघिल्लो बर्ष तुल्सीपुर र नेपालगंज गुलरिया सडक खण्डमा दुई पटक स्कुल बस दुर्घटना भईसकेको छ ।

बस पल्टिएकोे ट्राफिक प्रहरीको रेकर्डमा देखाएको छ । सार्वजनिक यातायातमा बढि बोक्ने सवै बसलाई कारबाही गरिरहेको ट्राफिक प्रमुख सिंहले बताए । ‘त्यस्ता बसलाई ट्राफिक प्रहरी निगरानी गरिरहेका छ त्यस्तो भेटिए स्कुल बसलाई पनि कारबाहि हुन्छ’उनले भने,‘जिल्लाले सवै यूनिटलाई कारबाहि गर्न निर्देशन गरिसकेको छ ।’

अभिभावकको मौनता कारण बलजफ्ति बिद्यार्थी बोकिरहेको शिक्षा शाखाले एक अधिकृतले स्वीकार्छन् । ‘अभिभावक कुरा उठाउँदैनन, नियममा चलाउँने निकाय चुप छ’ नाम नखोल्ने सर्तमा प्याबसनका एक सदस्यले भने,‘सवैले यस सवालमा कुरा उठाए, बिद्यार्थीका स्कुल यात्रा सुरक्षित हुन सक्छ ।’स्रोत नागरिक न्युज

प्रतिक्रिया

सम्बन्धित खवर