बर्दिया, पुस २७ (फरकसमाचार)

जिल्ला लिग फुटबल प्रतियोगिताको फाईनल खेलमा जनजागृति युवा क्लव मधुबन बिजयी भएको छ । सेमिफाइनल खेलबाट फाइनल खेलमा प्रवेश भएका जनजागृति युवा क्लव मधुवन र मैनाबहुरिया युवा क्लव बढैयाताल बिच सोमबार फाईनल खेल भएको हो । फाईनल खेलमा दुवै टिमले एक एक गोल बराबर भएर खेल पेनाल्टीमा पुगेको थियो ।

पेनाल्टीमा जनजागृति युवा क्लव मधुबले ४ गोल ग¥र्यो भने मैनाबहुरिया युवा क्लव बढैयातालले १ गोल ग¥र्यो यसरी जनजागृति युवा क्लव मधुबन ३ गोलको अन्तरले फाईनल खेलमा बिजयी भएको छ ।

आइतबार भएको सेमिफाइन खेलमा मैनाबहुरीया युवा क्लव र जय दुर्गा भवानी युवा क्लव बिच भएको थियो भने दास्रो खेल मयुर युवा क्लव बढैयाताल र जनजागृति युवा क्लव मधुवन बिच भएको थियो । मैनाबहुरीयले जय दुर्गा भवानी युवा क्लवलाई र जनजागृतिले मयुर युवा क्लवलाई पराजित गर्दै फाईनल खेलमा प्रवेश भएको थियो । बिजयी भएको जनजागृति युवा क्लवलाई रु ५५ हजार, मैनाबहुरीय क्लवलाई रु ३० हजार नगद शिल्ड र प्रमाणपत्र पुरस्कार दिएको आयोजकले जनाएको छ ।

प्रतियोगिता पुस १० गते देखि सुरु भई पुस २६ गते सकिएको छ । जिल्ला फुटबल संघमा आबद्ध जिल्लाका १२ वटा क्लबले यस प्रतियोगितामा सहभागिता जनाएका थिए ।

बढैयाताल गाउँपालिका–८ स्थित मयुर बस्ती युवा क्लवको खेल मैदानमा खेल भएको थियो । खेलको समापन कार्यक्रममा फुटबल लिगका कार्यक्रम संयोजक तथा बढैयाताल गाउँपालिका– ८ वडा अध्यक्ष राम बहादुर रावलको अध्यक्षतामा सम्पन्न भएको हो । बढैयाताल गाउँपालिकाका अध्यक्ष लाल बहादुर श्रेष्ठ, बढैयाताल गाउँपालिकाका प्रमुख प्रशासकिय अधिकृत धर्मराज न्यौपाने, मधुबन नगरपालिकाका नगर प्रमुख गणेश बहादुर क्षेत्री लगाएतको उपस्थिति रहेको थियो ।