बर्दिया, चैत १३ (फरकसमाचार)

गुलरिया वडा नम्बर १२ का राम कुमार थारुले भारतबाट ल्याउने सामान राजश्व छल्न सिफारिस गर्ने गरेको पाईएको छ । आम सर्वसाधारणसँग शुल्क असुली गरेर राजश्व छल्न सिफारिस गर्ने गरेको पाईएको छ ।

वडा कार्यालयको लेटर प्याड प्रयोग गरेर भारतबाट ल्याउँने सामानमा शुल्क लिएर सामान लिन भारत पठाउँने गरेको फरक समाचार संवाददाताले वडा सरकारले गरेको सिफारिस पत्र प्राप्त गरेको छ । संबाददाताले प्राप्त गरेको रसिदमा २ सय १५ सिफारिस गरे वापत शुल्क असुल गरेको पाईएको हो ।

वडा नंम्बर १२ ले गरेको सिफारिस पत्रमा भारतबाट सामान ल्याउन पाउँने गरी भाषा प्रयोग गरेर आम सर्वसाधारणसंग शुल्क लिएको रेर्कडमा देखिन्छ । स्थानीय सरकारको राजश्व चुहावट रोक्न जिम्मेवारी भित्र पर्छ । तर,कर लिने बहानामा राजश्व छल्न शुल्क लिने कत्तिको जायज हो । सोझा जनतालाई भुक्काएर शुल्क लिएर वडाको सिफारिस गर्नु लाजस्पद होइन र ? सीमावर्ती क्षेत्रमा कर असुल गर्न यस्ता कर्तुत गरिरहेको सुन्दा तपाईलाई अचम्म लाग्छ ।

स्थानीय सरकारले विकासे बजेटको चरम दुरुपयोग गरिरहेको आरोप खेपिरहेका वडा सरकारले जनतालाई भुक्काउँन कुनै कसुर नछाड्ने गरेको तथ्य सार्वजनिक भएको छ । तर,वडा सरकारले गर्ने त्यस्ता सिफारिस कति मान्यता प्राप्त हुन्छ सोझा साझा सर्वसाधारणलाई के थाहा हुन्छ र ? त्यस्तै चंगुलमा आम सर्वसाधारण फस्ने गरेका छन् ।

गुलरिया नगरपालिका वडा नं. १२ का वडा अध्यक्ष थारुले गर्दै आएको तथ्य सार्वजनिक भएको छ । वडा अध्यक्ष थारुले हस्ताक्षर गरेको पत्रमा भारतबाट ल्याउने सामानको भन्सार छल्नका लागि सिफारिस गरेको पाईएको छ । कुनै घरमा बिबाह जस्ता काम काज वा अन्य प्रयोजनका लागि शुल्क लिएर सिफारिस गर्नु कानुन बमोजिम छ कि छैन सरोकारवाला निकायले छानबिन गर्ला ।

राजश्व छल्ने जस्तो विषयमा सिफारिस गरेर त्यस वापतको आम सर्वसाधारणसंग शुल्क असुल्ने वडा अध्यक्ष थारुको मनपरी नै चल्ने हो भने अझै आम सर्वसाधारण ठगिने छन् ।

भारतबाट सामान ल्याउँनका लागि सिफारिस गर्ने व्यवस्था नभएको उल्लेख गर्दै बदमासी भएको प्रमुख जिल्ला अधिकारी सन्त बहादुर सुनारले बताए । ‘सीमावर्ती क्षेत्रमा तस्करी पूर्ण रुपमा नियन्त्रण गर्न प्रशासन लागि परेको छ’ उनले भने, ‘तस्करीका सामान कसैलाई पनि र कसैको सिफारिसमा नेपाल भित्राउँने छुट छैन, सबै नियममा भएको राजश्व तिर्न पर्छ ।

’ उनका अनुसार वडा कार्यालयले आम सर्वसाधारणसँग शुल्क असुलि गरेर राजश्व छल्न सिफारिस गरेको प्रमाण भेटिए कानुनी कारबाही अघि बढाउँने उनले जानकारी दिए ।

वडा नं. १२ को लेटर प्याडमा चलानी नम्बर ११५४ राखी गत बिहीबार वडा अध्यक्ष थारुले सिफारिस गरेका छन् । सिफारिस गरे वापत वडाले रु २ सय १५ असुल गरेको पाईएको छ ।

सिफारिस पत्रमा आठ किसिमका सामान ल्याउन उल्लेख गरिएको छ । १ बोरा चिनी, ४ बोरा चामल, ४ टिन खाने तेल, २ टिन रिफाइन तेल, १ हजार थान फाइवर प्लेट, १ हजार थान फाइवर गिलास, ७ किलोग्राम सेला चमाल र ५ फिटको १ थान बाकस भारतीय बजार लौकाहीबाट ल्याउन गुलरिया नगरपालिका वडा नं. १२ ले अधिकारीक रुपमा सिफारिस गरेको छ ।