बर्दिया, कार्तिक १ (फरकसमाचार) / ६७औं प्रहरी दिवसको अवसरमा उत्कृष्ट काम गर्ने सात प्रहरी कर्मचारी पुरस्कृत भएका छन् । उत्कृष्ट काम गरे वापत सात प्रहरी कर्मचारीलाई जिल्ला प्रहरी कार्यालयले सोमबार नगर पुरस्कार प्रदान गरेको हो । ६७औं प्रहरी दिवसको अवसमा अमर प्रहरी स्मारिकामा वीर अमर प्रहरी प्रति श्रद्धाञ्जली अर्पण गर्दै शोक सलामी दिईएको थियो । कार्यक्रममा उपस्थित अमर सहिद प्रहरीका परिवारलाई कदरपत्र र दोसल्ला ओढाई सम्मानसमेत गरिएको थियो ।

प्रहरी दिवस कार्यक्रमलाई सम्बोधन गर्दै गुलरिया नगरपालिकाका नगर प्रमुख मुक्तिनाथ यादवले प्रहरीले सुरक्षा मात्र होइन विकासको काममा सहयोग गरेको बताए । ‘नगर पालिकाले गरेको विकासको काममा प्रहरी प्रशासनको योगदान छ’ नगर प्रमुख यादवले भने,‘विकासको जुनसुकै काममा प्रहरीको सहयोग उदाहरणीय छ ।’ जिल्ला प्रहरी कार्यालयको परिसर भित्र सहिद प्रहरी र पुर्व प्रहरीको कार्यालय भवन निर्माणको लागि गुलरिया नगरपालिकाको तर्फबाट तत्काल दश लाख बिनियोजन गर्ने नगर प्रमुख यादवले घोषणा गरे । वडा र नगरपालिकाको सहयोगमा दुई वर्षमा सहिद प्रहरी परिवारको कार्यालय भवन निर्माण सम्पन्न गर्ने नगर प्रमुख यादवले कार्यक्रममा सार्वजनिक गरे । देशको निम्ति आहुती प्राप्त गरी देशलाई यो स्थानमा पु¥याएने सहिद प्रहरीलाई कहिल्यै नर्बिसिने बताउँदै नगर प्रमुख यादवले सहिद प्रहरीको परिवारको आत्म बल बढाए ।

कार्यक्रमलाई सम्बोधन गर्दै प्रमुख जिल्ला अधिकारी बन्धु प्रसाद बास्तोलाले स्थानीय सरकारको तर्फबाट नगर प्रमुख यादवले सहिद र पुर्व प्रहरीको लागि कार्यालय भवन निर्माण गर्ने घोषणा सह्रानिय रहेको बताए ।

‘सबै नागरिक बिना वार्दीका प्रहरी हुन्’ प्रजिअ बास्तोलाले भने, ‘प्रहरी वार्दीका नागरिक हुन् ।’ यो भावना अनुसार कार्य गरेमा नागरिक र प्रहरी दुवैको अपेक्षा पुरा हुनेछ । नागरिकको भन्दा प्रहरीले संख्या कम छ । त्यसैले नागरिक बिना वार्दीका प्रहरी हुन् । प्रहरीको काममा सबैले सहयोग गर्नुपर्ने सुझाए । ८० हजार प्रहरीले पुरानो शैलीको सेवा दिन सम्भव छैन । त्यसैले अबको प्रहरी प्राविधिमैत्री हुनु पर्ने प्रजिअ बास्तोलाको भनाई रह्यो ।

विभिन्न संचारमाध्यमबाट आएको कमीकम्जोरीलाई सुधार गर्दै नागरिकमैत्री प्रहरी बन्न आवश्यक रहेको छ । नेपाल प्रहरीले आफ्नो मुख्य जिम्मेवारी शान्ति सुरक्षा अमनचयन, कानुनको कार्यन्वयन, कानुन शासनको प्रत्याभुती र अपराध अनुसन्धानमा अब्बल पहिचान बनाएको सुनाए । त्यसैगरी नेपाल प्रहरीले अन्तर्राष्ट्रिय स्तरमा ईन्टरपोल र शान्ति सेनामा राम्रो छवि बनाएको प्रजिअ बास्तोलाले भनाई छ ।

प्रहरी दिवसको अवसरमा प्रहरी संगठनले देशैभर विभिन्न कार्यक्रमको आयोजना गरि शुभकाना साटासाट गरेको प्रहरी उपरीक्षक बिरेन्द्र बहादुर शाहीले बताए । ‘कर्तव्य पालना गर्ने क्रममा बिरगति प्राप्त गर्ने अमर सहिद प्रहरीलाई स्मरण गरेका छांै’ प्रहरी उपरीक्षक शाहीले भने, ‘सहिद प्रहरीको बलिदानका कथाहरु हामी कार्यरत प्रहरी कर्मचारीको प्रेरणाका स्रोत बनेका छन् ।’