बर्दिया, बैशाख १३ (फरकसमाचार) / जिल्लामा कोरोना भाइरसका सक्रिय संक्रमितको संख्या २८ पुगेको छ ।

१७ जना महिला र ११ जना पुरुषमा भाइरस सक्रिय रहेको स्वास्थ्य कार्यालयले जनाएको हो । मंगलबार गुलरियामा १६ जनाको परीक्षण गर्दा १२ जनामा भाइरस सक्रिय रहेको पुष्टि भएको छ । पछिल्लो समय कोरोना भाइरसका संक्रिमतको संख्या बढ्न थालेको छ ।

गुलरिया नगरपालिकामा संक्रमितको संख्या बढी रहेको छ । गुलरिया नगरपालिकामा ९ जना पुरुष र १४ जना महिलामा संक्रमण पुष्टि भएको छ । त्यसैगरी गेरुवा गाउँपालिकामा १ जना पुरुष र ३ जना महिलामा संक्रमण पुष्टि भएको छ भने बाँसगढी नगरपालिकामा १ जना पुरुषमा संक्रमण पुष्टि भएको स्वास्थ्य कार्यालयले जनाएको छ ।