बर्दिया, असार ३ (फरकसमाचार) / बेवारिसे अवस्थामा राखिएको सालको गोलिया काठ प्रहरीले बरामद गरेको छ । गुलरिया नगरपालिका–१ गाउँ नंम्बर १६ स्थित सडकको नालीमा बेवारिसे अवस्थामा राखिएको सालको काठ प्रहरीले शुक्रबार बरामद गरेको हो ।

प्रहरीले गस्ती गर्ने क्रममा बेवारिसे काठ फेला पारेको हो । प्रहरीका अनुसार मुल्य रु ३ लाख ३४ हजार ६ सय बराबरको ८८.६५ क्यू फिट साल जातको गोलिया काठ बेवारिसे अवस्थामा बरामद भएको छ । काठ कसले ल्याई राखेको खुलेको छैन ।

बरामद काठ आवश्यक कारवाहीको लागि डिभिजन वन कार्यालय गुलरियामा बुझाईएको जिल्ला प्रहरी कार्यालय गुलरियाका डिएसपी हिक्मत बहादुर बोेहराले जानकारी दिए ।