बर्दिया, असार ८ (फरकसमाचार) / प्रहरीले एकै दिन ६२.७१ क्युफिट अबैध सालको गोलिया काठ बरामद गरेको छ । गुलरिया नगरपालिका–८ को विभिन्न स्थानबाट प्रहरीले ६२.७१ क्युफिट सालको गोलिया काठ मुल्य रु २ लाख ५० हजार ८ सय ४० बराबरको बरामद गरेको हो । प्रहरी चौकी सुरजपुरबाट खटिएको प्रहरी टोलीले विभिन्न स्थानबाट शुक्रबार अबैध सालको काठ बरामद गरेको छ ।

गुलरिया नगरपालिका–८ आशापुर स्थित बाटोको किनारमा राखिएको १८.३७ क्यु फिट काठ मुल्य रु ७३ हजार ४ सय ८० बराबरको बरामद भएको छ । त्यसैगरी सोही वडाको सुरजपुर स्थित आँपकोे बगैचाबाट १०.८९ क्युफिट काठ मुल्य रु ४३ हजार ५ सय ६० र सर्जु नदिको किनारमा राखिएको ३३.४५ क्युफिट मुल्य रु १ लाख ३३ हजार ८ सय बराबरको काठ बरामद भएको छ ।

बरामद काठ आवश्यक कारवाहीको लागि डिभिजन वन कार्यालय गुलरियामा बुझाएको जिल्ला प्रहरी कार्यालय गुलरियाका डिएसपी हिक्मत बहादुर बोहराले जानकारी दिए ।