बर्दिया, असार २१ (फरकसमाचार) / असार २४ गते देखि गुलरिया नगरपालिकाका सम्पुर्ण विद्यालयलाई वर्षे बिदा दिने जनाईएको छ । असार २४ देखि साउन १४ गतेसम्म वर्षे बिदा हुने गुलरिया नगरपालिका शिक्षा युवा तथा खेलकुद शाखाले बुधबार सुचना मार्फत जनाएको हो ।

नगरपालिकाको शिक्षा शाखा द्वारा प्रकाशित शैक्षिक क्यालेण्डर २०८० अनुसार वर्षे बिदा असार २४ देखि साउन १९ गतेसम्म तोकिएको छ । तर, जेठको अन्तिम साता अत्यधिक गर्मी बढ्दा पाँच दिन गर्मी बिदा दिईएको थियो ।

सो पाँच दिनको गर्मी बिदा वर्षे बिदामा मिलान हुने गरि वर्षे बिदा दिने सम्पुर्ण विद्यालयहरुलाई जानकारी गराईएको गुलरिया नगरपालिका शिक्षा युवा तथा खेलकुद शाखाका अधिकृत सतिश यादवले जानकारी दिए । अधिकृत यादवका अनुसार साउन १५ गते देखि नियमित रुपमा विद्यालय खुल्नेछन् ।