बर्दिया,साउन २(फरकसमाचार) / लागु औषधसहित दुई जनालाई प्रहरीले पक्राउ गरेको छ । मधुबन नगरपालिका– ९ का २२ वर्षिय समिर गुरुङ्ग र वडा नंम्बर ८ का २९ वर्षिय जीवन खत्रीलाई प्रहरीले लागु औषधसहित आइतबार पक्राउ गरेको हो ।

मधुवन नगरपालिका–९ गाउँ नंम्बर १२ स्थितबाट प्रहरीले दुवै जनालाई लागु औषधसहित नियन्त्रणमा लिएको छ ।

शंकास्पद रुपमा रहेका दुवै जनालाई प्रहरीले नियन्त्रणमा लिई चेकजाँच गर्दा लागु औषध फेला परेको हो । दुवै जनाको साथबाट ४० मिलीग्राम लागु औषधको खैरो धुलो पदार्थ फेला परेको जिल्ला प्रहरी कार्यालय गुलरियाका डिएसपी हिक्मत बहादुर बोहराले बताए । ‘पक्राउ परेका दुवै जना ईलाका प्रहरी कार्यालय ढोढरीको हिरासतमा छन्’ डिएसपी बोहराले भने,‘थप अनुसन्धान भईरहेको छ ।’