बर्दिया,साउन २६ (फरकसमाचार) / भन्सार छली अबैध रुपमा ल्याउदै गरेको सामानसहित प्रहरीले दुई जनालाई पक्राउ गरेको छ । गुलरिया नगरपालिका–११ कट्टी लालपुर स्थितबाट अबैध सामानसहित बिहीबार प्रहरीले दुई जनालाई पक्राउ गरेको हो ।

अबैध सामानसहित पक्राउ पर्नेमा गुलरिया नगरपालिका–११ का धनेश रैदास र कुरवारी रैदास छन् । भारतबाट भन्सार छली सामान ल्याउदै गरेको अवस्थामा प्रहरीले दुवै जनालाई नियन्त्रणमा लिएको जनाएको छ । प्रहरीका अनुसार मुल्य रु १ लाख ९ हजार २ सय बराबारको कपडा तथा सुर्तिजन्य पदार्थ बरामद भएको छ ।

बरामद सामानसहित दुवै जनालाई कारवाहीको लागि राजापुर भन्सार कार्यालय गुलरियामा बुझाएको जिल्ला प्रहरी कार्यालय गुलरियाका डिएसपी हिक्मत बहादुर बोहराले जानकारी दिए ।