बर्दिया,साउन ३२ (फरकसमाचार) / लुकाई छिपाई राखेको चिरान सागुन जातको अबैध काठ प्रहरीले बरामद गरेको छ । गुलरिया नगरपालिका–९ पुरानो प्रयागपुर गाउँ स्थित मन्सुर साँईको घर कोठामा अबैध रुपमा राखिएको काठ मंगलबार राति प्रहरीले बरामद गरेको हो ।

अबैध काठ राखिएको गोप्य सुचनाको आधारमा प्रहरीले चिरान सागुन जातको काठ बरामद गरेको छ । साँईको घरमा प्रहरीले खानतलासी गर्दा ४१.५९ क्यूफिट चिरान सागुनको काठ बरामद भएको प्रहरीले जनाएको छ ।

आवश्यक कारवाहीको लागि बरामद अबैध काठ डिभिजन वन कार्यालय गुलरियामा बुझाईएको जिल्ला प्रहरी कार्यालय गुलरियाका डिएसपी हिक्मत बहादुर बोहराले जानकारी दिए ।