बर्दिया,भदौ ३(फरकसमाचार) / लुकाई छिपाई राखेको साल जातको गोलिया काठ प्रहरीले बरामद गरेको छ । मधुवन नगरपालिका–७ गंगाबस्ती स्थित गोपाल मगरको मकै बारी स्थितबाट प्रहरीले शनिबार साल जातको गोलिया काठ बरामद गरेको हो ।

प्रहरीले १४ वटा साल जातको गोलिया काठ बरामद गरेको छ । प्रहरीका अनुसार बरामद काठ ६७.४१ क्युफिट अन्दाजी मुल्य रु १ लाख ६८ हजार ५ सय २५ बराबरको छ । काठ बरामद गरि आवश्यक कारवाहीको लागि सव डिभिजन वन कार्यालय सानोश्रीमा बुझाएको जिल्ला प्रहरी कार्यालयका डिएसपी हिक्मत बहादुर बोहराले जानकारी दिए ।

त्यसैगरी बढैयाताल गाउँपालिका–२ फुटाह स्थित भन्सार छली ल्याईएको मुल्य रु १७ हजार १ सय ४० बराबरको विविध सामान बरामद भएको डिएसपी बोहराले जानकारी दिए ।