ज्ञानेन्द्र पोखरेल

बर्दिया,कात्र्तिक १ / बढैयाताल गाउँपालिकाका प्रमुख प्रशासकिय अधिकृत दानबहादुर ऐडिको सरुवा भएको छ । बढैयाताल गाउँपालिकाका पदाधिकारीहरुले सरुवा भएर जान लागेका प्रमुख प्रशासकीय अधिकृत ऐडिलाई मंगलबार बिदाई गरेका हुन् । अधिकृत ऐडिको कैलालीको घोडाघोडि नगरपालिकामा सरुवा भएको जनाईएको छ ।

अब बढैयाताल गाउँपालिकाको प्रमुख प्रशासकिय अधिकृतमा को आउने अझै टुंगो नलागेको गाउँपालिका अध्यक्ष हिमालय त्रिपाठीले बताएका छन् ।

बढैयाताल गाउँपालिकामा ऐडि करिब १३ महिनाको कार्यकाल पुरा गरि सरुवा भएका छन् । बढैयाताल गाउँपालिकाको बसाइँ सफल रहेको र अबका दिनहरू पनि सफलताका साथ बितोस भनी भेरी भेटौला कार्यक्रमका सहभागीहरूले प्रमुख प्रशासकीय अधिकृत ऐडीलाई शुभकामना दिएका छन् ।

बिदाई कार्यक्रममा बढैयाताल गाउँपालिकाका अध्यक्ष हिमालय त्रिपाठी, उपाध्यक्ष लक्ष्मी कुमारी अधिकारी, वडा अध्यक्ष, कार्यपालिका सदस्य,शाखाका प्रमुख, नागरिक समाजका सदस्यहरूलगायत पत्रकारहरुको सहभागीता रहेको थियो ।