बर्दिया,माघ १९(फरकसमाचार)/ फरक समाचार राष्ट्रिय दैनिक तथा फरकसमाचार डटकमका प्रमुख संवाददाता राम प्रसाद चौहान लुम्बिनी प्रदेशबाट सम्मानित भएका छन् । लुम्बिनी प्रदेश सरकार गृहमन्त्रालयले फरक समाचारकर्मी चौहानलाई श्रृजनशिल पत्रकारिता पुरस्कारबाट सम्मानित गरेको हो ।

लुम्बिनी प्रदेश सरकार गृह मन्त्रालयको बिहीबार मन्त्रीस्तरिय निर्णयानुसार पुरस्कृत संचारकर्मीहरुको नाम सुचनामार्फत सार्वजनिक गरेको छ । पुरस्कृत संचारकर्मीहरुलाई माघ २१ गते प्रदेश स्थापना दिवसको उपलक्ष्यमा पुरस्कृत गरिने जनाईएको छ ।

संचारकर्मी सम्मान तथा पुरस्कार वितरण सम्बन्धी कार्यविधि,२०८० बमोजिम लुम्बिनी प्रदेशले १२ वटै जिल्लाबाट एक/एक जना संचारकर्मीलाई श्रृजनशिल पत्रकारिता पुरस्कारबाट सम्मान गरेको छ । त्यसैगरि लुम्बिनी प्रदेश सरकार गृहमन्त्रालयले एक जना संचारकर्मीलाई अग्रज पत्रकारिता पुरस्कारबाट सम्मानित गरेको छ ।