ज्ञानेन्द्र पोखरेल

बर्दिया,जेठ ४/ समाजमा शान्ति सुरक्षा अमनचयन कायम राख्ने अभियानमा सहयोग पुगोस् भन्ने अभिप्रायले इलाका प्रहरी कार्यालय मैनापोखरलाई दुई वटा नयाँ साइकल प्रदान गरिएको छ । बढैयाताल गाउँपालिका– ६ मैनापोखरमा रहेको सांस्थागत बिद्यालय कृष्णसार विद्या निकेतनले ईलाका प्रहरी कार्यालय मैनापोखरलाई दुई वटा साइकल बिहीबार प्रदान गरेको हो ।

कृष्णसार बिधा निकेतनका प्रिसिपल नगेन्द्र भण्डारी, संस्थापक राज कुमार चौधरी र समाज सेवी शिव प्रसाद सुबेदिले ईलाका प्रहरी कार्यालय मैनापोखरका प्रमुख प्रहरी निरीक्षक लोकेन्द्र सिंह ठगुन्नालाई साईकल हस्तान्तरण गरेका छन् ।

सवारी साधनको अभावमा सबै ठाउँमा प्रहरी गस्ती पुग्न नसकेको अवस्था थियो । विद्यालयले उपलब्ध गराएको साइकलले गस्ती जान प्रहरी कर्मचारीलाई सहज हुने विश्वास छ । यस बिद्यालयले बेला बेलामा सामाजिक क्षेत्रमा समेत आफ्नो सहभागीता जनाईरहेको प्रिन्सिपल नगेन्द्र भण्डारीले जनाए ।