बुधबार, भदौ १२, २०८१
मा प्रकाशित
1815
Shares
बर्दिया,भाद्र १२ (फरकसमाचार)/ विद्युत तार सर्ट भई किराना पसलको गोदाममा आगलागी भएको छ । गुलरिया नगरपालिका–६ भन्सार रोडमा रहेको एसके किराना पसलको गोदाममा सोमबार राति आगलागी भएको हो ।
विद्युत तार सर्ट भई एसके पसलको गोदाममा आगलागी भएको जिल्ला प्रहरी कार्यालयका डिएसपी तुल्सीराम अर्यालले बताए । गोदाममा आगलागी हुँदा किरानाका सामान जलेर नष्ट भएको डिएसपी अर्यालले जनाए ।
साँझ गोदाम बन्द गरेर घर गएपछि आगलागी भएको एसके किराना पसलका संचालक अनवर खानले बताए । ‘राति करिब साढे नौ बजे गोदाममा आगलागी भएको हो,’उनले भने,‘गोदाममा आगलागी हुँदा करिब ३० लाख बराबरको क्षति भएको छ ।’
