बर्दिया,भाद्र १८(फरकसमाचार)/ नेपाली महिलाहरुको महान् पर्व हरितालिका तीज पर्व खर्चिलो र भड्किलो नबनाउन जिल्ला प्रशासन कार्यालय बर्दियाले अनुरोध गरेको छ । नजिकिदै गरेको तीज पर्वलाई सम्य र अनुशासित रुपमा मनाउन प्रशासनले अनुरोध गरेको हो । तीज पर्व नेपाली महिलाहरुको एक सनातन सांस्कृतिक पर्वको रुपमा मनाउँदै आईएको छ ।

यस्ता साँस्कृतिक पर्वहरुले सबै नेपालीहरुको बिचमा एकता, धार्मिक सहिष्णुता तथा सामाजिक सद्भाव कायम गर्न सहयोग पु¥याउने प्रशासनको विश्वास छ । विगतको तुलनामा हालका वर्षहरुमा तीज मनाउने नाममा अनावश्यक भड्किला र खर्चिला कार्यक्रम बढ्दै गईरहेको प्रशासनले जनाएको छ ।

परम्परा एवंम् सामाजिक रितिरिवाजलाई मौलिक रुपमा संरक्षण र संवद्र्धन गर्ने हामी सबै जिल्लावासीको साँझा कर्तव्य भएको प्रशासनले जारी गरेको विज्ञप्तीमा उल्लेख गरिएको छ ।