बर्दिया,भाद्र २८(फरकसमाचार)/ कमैया महिला जागरण समाज नेपालको अध्यक्षमा कृष्णी थारु चयन भएकी छन् । संस्थाको ५औं अधिवेशनले ७ सदस्यीयको नयाँ कार्यसमिति चयन गरेको छ । अध्यक्षमा चयन भएकी थारु लुम्बिनी प्रदेशकी पुर्व उपसभामुख पनि हुन् ।

अध्यक्षमा कृष्णी थारु, उपाध्यक्षमा मञ्जु चौधरी, सचिवमा मिना चौधरी, कोषाध्यक्षमा तुलसी चौधरी चयन भएकी छन् । त्यसैगरि सदस्यमा रीमा थारु, राजकुमारी चौधरी र सम्झना चौधरी चयन भएकी छन् ।

पुर्व अध्यक्ष बिरुणी थारुको सभाअध्यक्षमा भएको अधिवेशनले नयाँ कार्यसमिति चयन गरेको छ । निर्वाचन मण्डलको संयोजकत्व नेपाल बार एसोसियन बर्दियाका अध्यक्ष तथा संस्थाका कानुनी सल्लाहकार कमल प्रसाद पाण्डे रहेका थिए ।

५औं अधिवेशन तथा सधारणसभामा बढैयाताल गाउँपालिका–९ का वडाध्यक्ष श्री बिर बहादुर थारु, विभिन्न सरकारी तथा गैरसरकारी संघ संस्थाका प्रतिनिधि, संस्थाका बोर्ड सदस्यहरु तथा साधारण सदस्य र कर्मचारीहरुको उपस्थिती रहेको कमैया महिला जागरण समाजका कार्यक्रम संयोजक रमेश चौधरीले जानकारी दिए ।