बर्दिया,असोज २(फरकसमाचार)/ महिलाको हत्या गर्ने व्यक्तिलाई प्रहरीले पक्राउ गरेको छ । बारबर्दिया नगरपालिका–११ जब्दी बस्ने ४० वर्षिय पप्पु भनिने शिव प्रसाद थारुलाई प्रहरीले पक्राउ गरेको हो ।

गएराती १२ बजेर २० मिनेटमा बारबर्दिया नगरपालिका–५ तर्कापुर बस्ने ३९ वर्षिय मिना थारुको घरमा गई शिव प्रसादले धारिलो हतियार प्रहार गर्दा टाउको र घाँटीमा गहिरो चोट लागेको थियो ।

गहिरो चोट लागेर गम्भिर घाईते भएकी मिनालाई उपचारको लागि नगर अस्पताल जयनगर पु¥याईएको थियो । चिकित्सकले चेकजाँच गर्दा साढे १२ बजे मृत घोषणा गरेका थिए । धारिलो हतियार प्रहार गरि शिव प्रसाद फरार भएका थिए । फरार थारुलाई नियन्त्रणमा लिन व्यापक प्रहरी परिचालन भएका थिए ।

खोजतलासको क्रममा बारबर्दिया नगरपालिका–५ सिटीबरेली स्थित भाग्दै गरेको अवस्थामा प्रहरीले थारुलाई नियन्त्रणमा लिई थप अनुसन्धान भईरहेको जिल्ला प्रहरी कार्यालय गुलरियाका डिएसपी तुल्सीराम अर्यालले जानकारी दिए । थारुले महिलाको किन हत्या गरे अझै खुलेको छैन ।