बर्दिया,मंसिर १४(फरकसमाचार)/ जंगली हात्तीको आक्रमणबाट एक जनाको मृत्यु भएको छ । हात्तीको आक्रमणबाट राजापुर नगरपालिका–१० ढुण्डीपुरका ५० वर्षिय कान्छा थारुको बिहीबार साँझ मृत्यु भएको हो ।

मधुवन नगरपालिका–३ स्थित ८५ नंम्बर पिलर नजिक जंगली हात्तीले बिहीबार साँझ ४ बजे आक्रमण गरेको प्रहरीले जनाएको छ । राजापुर नगरपालिका–१० का ढुण्डीपुरका कान्छा थारु र २० वर्षिय बेलुराम थारु भारतको बठनिया बजारबाट साइकलमा घर फर्किने क्रममा हात्तीले आक्रमण गरेको प्रहरीले जनाएको छ ।

हात्तीले आक्रमण गर्दा थारु गम्भिर घाईते भएका थिए । साथमा रहेका अर्का व्यक्ति सामान्य रहेका छन् । गम्भिर घाईते थारुलाई उपचारको लागि ल्याउने क्रममा बाटोमा मृत्यु भएको जिल्ला प्रहरी कार्यालय गुलरियाका डिएसपी ऋषिराम घर्ति मगरले जानकारी दिए ।