दलबहादुर सुनार

बर्दिया फागुन ३ / सहयोगी साधनको साहारामा शारीरिक अपाङ्गता भएका बसन्त चौधरीले पशु उपचार गर्दैे घर दैलो सेवा सञ्चालनमा ल्याएका छन् ।

सहयोगी साधन तिन पांग्रे साईकल पाएपछि गुलरिया नगरपालिका –४ बेचैपुरका १९ वर्षे बसन्त चौधरीले उक्त सेवालाई प्रभाबकरी रुपमा सञ्चालनमा ल्याएका हुन् ।

सुन्दा आचाम्म लाग्न सक्छ जन्मदै दुबैखुट्टाको घुँडादेखिको भाग नभएका बस्नत चौधरीले सामान्य ब्यक्तिले चलाउने साईकल कैची चलाउदै ३ किलो मिटरको दुरीमा रहेको ध्रुब माध्यामिक बिद्यालय तुल्सिपुरबाट भेटेनरी जेटीए सम्बन्धीको कक्षा १२ सम्म अध्ययन पुरा गरेका छन् ।

सहयोगी साधानको अभाबमा सिकेका ज्ञान र सिपलाई ब्यवहारमा उतार्न निकै चुनौति भएको सुनाउदै संयोगबस राष्ट्रिय अपाङ्ग पुर्नस्थापना समाज काठमाण्डौको सहयोगमा आधुनिक तिनपांग्रे साईकल निशुल्क पाउदा घर दैलो सेवा सञ्चालनमा सहजता भएको बसन्तले बताए ।

सहयोगि साधनको अभाब र शारीरिक अशक्तताका कारण पशु उपचार सम्बन्धिको सेवा बस्ति स्तरसम्म विगतमा पुग्न नसकेको बताए । अब साधन पाएदेखि सिकेका शिप र ज्ञानलाई सामुदायको माग अनुसार घरदैलो सेवा उपलब्ध गराउदै आएको उनले बताए ।

‘खाने मुखलाई जुगाँले छेक्दैन’ भन्ने उखानलाई बसन्तले ब्यवहारमा प्रयोग गरेर गाँउमा नमुना बनेका छन् । शारीरिक रुपमा सक्षम भएर पनि बेरोजगार भएका युवाहरुको लागि उनी एक प्रेरणाको श्रोत बनेका छन् ।

शारिरीक रुपमा अशक्त अपाङ्गता भएकै कारण सामाजिक रुपमा अपहेलनाको सामाना गर्दै आएका बसन्त भन्छन् मेरो खुट्टामा मात्र समस्या हो शरीरका अरु सबै अङ्ग ठिक छन् म अवसर पाए उत्कृष्ट काम गरेर देखाउन सक्छु उनले भने ।

अतिशक्त अपाङ्गताको सामाजिक सुरक्षा भत्ताबाट औषधी किनेर घरदैलो क्लिनीक चलाउदै आएको बताए । पशुको कृत्रिम गर्भधारण बाहेकका सबै पशु पंक्षीको उपचार गर्दै आएका बसन्त भन्छन्  आर्थिक अभाबले आवश्यक अनुसारको औषधी नहुदा घरदैलो क्लिनीक चलाउन धौ–धौ परेको बताए । न त स्थानिय सरकारको सहयोग छ न त कुनै संस्थाको सहयोग छ । अशक्त अपाङ्गताको  भत्ता बाहेक राज्यको कुनै सेवा सुबिधा नपाएको दुखेसो पोखे ।