बर्दिया, चैत १४

भारतमा कोभिड–१९ को संक्रमण दिन प्रति दिन बढेसंगै सर्तकता अपनाउन गुलरियाको मुख्य नाका सुरजपुरमा शनिबार देखि हेल्थ डेस्क संचालनमा ल्याईएको छ । गुलरिया मुर्तिहा नाकामा मानिसहरुको बढी आवागमन हुने भएकोले सुरजपुरमा हेल्थ डेस्क राखिएको हो । भारतबाट आउने व्यक्तिहरुको ज्वरो नाप्ने र विवरण राखिनेछ ।
शनिबार महाराष्ट्रबाट आएका जमुनाहा नाका बाँकेमा जाँच गर्दा बर्दियाका एक जना पुरुषमा कोभिड –१९ पोजेटिभ देखिएको बाँकेका प्रमुख जिल्ला अधिकारी रामबहादुर कुरुम्बाङले जानकारी दिएका छन् ।
हेल्थ डेस्क उद्घाटनमा प्रमुख जिल्ला अधिकारी सन्त बहादुर सुनार, स्वास्थ्य कार्यालय बर्दियाका प्रमुख गोकर्ण गिरी र गुलरिया नगरपालिका स्वास्थ्य शाखा प्रमुख सुनिल पाण्डेको उपस्थिती रहेको थियो ।