बर्दिया,बैशाख २१,(फरकसमाचार)/ नेकपा एमाले जिल्ला अध्यक्षमा सालिकराम अधिकारी विजय भएका छन् । एमाले जिल्ला कमिटिको १०औं अधिवेशनबाट अध्यक्षमा अधिकारी विजयी भएका हुन् । आपसी समझदारी नजुट्दा निर्वाचन प्रक्रियाबाट पदाधिकारी चयन गरिएको छ ।

अध्यक्ष पदमा लाल बहादुर श्रेष्ठ र अधिकारी प्रतिस्पर्धामा उत्रेका थिए । १० मतको अन्तरले श्रेष्ठ पराजित भएका छन् । अधिकारीले १ सय ८० मत प्राप्त गरेका छन् भने श्रेष्ठले १ सय ७० मत पाएका छन् । त्यसैगरि उपाध्यक्षमा दुर्गा ओली १ सय ७९ मतका ल्याएर विजयी भएका छन् । भने उनका प्रतिस्पर्धी कृष्ण गौतमले १ सय ५९ मत ल्याएर पराजित भएका छन् ।

सचिवमा पदम ढकाल १ सय ७६ मत प्राप्त गरेर विजयी भएका छन् भने उनका प्रतिस्पर्धी नैन बहादुर खत्री १ सय ६८ मत ल्याएर हार व्यहोरेका छन् । उपसचिवमा लहनु थारु १ सय ७८ मत ल्याएर विजयी भएका छन् । उनका प्रतिस्पर्धी जीवन शाहीले १ सय ६८ मत प्राप्त गरेको निर्वाचन समितिले जनाएको छ ।

त्यसैगरि महिला उपसचिवमा सङ्गीता थारु १ सय ८८ मतका प्राप्त गरेर विजयी भएकी छन् । उनको प्रतिस्पर्धी मन्जु शर्माले १ सय ५० मत पाएकी थिईन् । १०औं अधिवेशन अघि एमाले बर्दियाका अध्यक्ष श्रेष्ठ थिए भने अधिकारी उपाध्यक्ष थिए ।