बर्दिया,जेठ १५(फरकसमाचार)/ नेपाल प्रेस युनियन जिल्ला शाखाले ३३औं स्थापना दिवसको अवसरमा बिरामीलाई फलफूल वितरण गरेको छ । बर्दिया अस्पतालमा उपचाररत बिरामीलाई आइतबार फलफूल वितरण गरि जिल्ला शाखाले स्थापना दिवस मनाएको हो ।

अस्पतालमा उपचाररत बिरामीहरुको शिघ्र स्वास्थ्य लाभको कामना गर्दै फलफूल वितरण गरि स्थापना दिवस मनाईएको नेपाल प्रेस युनियन जिल्ला शाखा बर्दियाका अध्यक्ष दीपकलाल श्रेष्ठले बताए । ‘दिवसको अवसरमा सामाजिक उत्तरदायित्व अन्तर्गत बिरामीहरुलाई फलफूल दिईएको छ,’अध्यक्ष श्रेष्ठले भने,‘यो रचनात्मक कार्यले पत्रकारलाई समाज प्रति थप उत्तरदायि बनाउनेछ ।’

फलफुल वितरण कार्यक्रममा नेपाली काँग्रेस लुम्बिनी प्रदेश सदस्य भेषराज पौडेल, नेपाल पत्रकार महासंघ लुम्बिनी प्रदेशका कोषाध्यक्ष यमनाथ घिमिरे, नेपाल पत्रकार महासंघ बर्दिया शाखाका अध्यक्ष यादब प्रसाद आचार्य, गुलरिया नगरपालिका–६ का वडा अध्यक्ष सुधान्शु प्रकाश शर्मा, वडा नंम्बर ४ का वडा अध्यक्ष सुरेश गौतम, बर्दिया जिल्ला अस्पतालका डा.अनिस रुचाललगायत पत्रकारहरुको उपस्थिती रहेको थियो ।