बर्दिया, जेठ १५ (फरकसमाचार)/ केही दिनयता अत्याधिक गर्मी बढेपछि नगरपालिका अन्तर्गतका सम्पुर्ण विद्यालयहरु तीन दिन बन्द गर्ने गुलरिया नगरपालिकाले निर्णय गरेको छ । गुलरिया नगरपालिका अन्तर्गतका सामुदायिक तथा संस्थागत विद्यालय जेठ १६ गते(बुधबार) देखि जेठ १८ गते(शुक्रबार) सम्म बन्द रहने छन् ।

केही दिन देखि यता बढी रहेको अत्याधिक गर्मीका कारण विद्यार्थीहरुको स्वास्थ्यमा प्रतिकुल असर परिरहेको तथा पठनपाठन गर्नमा असहज भईरहेको गुनासोपछि गुलरिया नगरपालिका शिक्षा युवा तथा खेलकुद शाखाले तीन दिन विद्यालय बन्द गर्ने सुचनामार्फत जनाएको छ ।

अत्याधिक गर्मिको कारण विद्यालय संचालन गर्न कठिनाई भएपछि शिक्षा नियमावली २०५९(संशोधन सहित) को नियम ८५ को उपनियम ३ अनुसार वर्खे बिदाबाट कट्टा हुनेगरि बिदा गर्न हुन सोमबार नगर प्रमुख स्तरीय निर्णयानुसार तीन दिन विद्यालय बिन्द रहने गुलरिया नगरपालिका शिक्षा, युवा तथा खेलकुद शाखाका अधिकृत सतिस यादवले सुचना प्रकाशित गरी जनाएका छन् ।