बर्दिया,जेठ १६(फरकसमाचार)/ भन्सार छली अबैध रुपमा ल्याएको सामान प्रहरीले बरामद गरेको छ । जिल्लाको विभिन्न स्थानबाट प्रहरीले अबैध रुपमा ल्याएको सामान सोमबार बरामद गरेको हो ।

बरामद सामान भारतबाट ल्याएईएको प्रहरीको दावी छ । मधुवन नगरपालिका–५ धमिनी चोक स्थितबाट बेवारिसे अवस्थामा राखिएको मुल्य रु ९ हजार बराबरको १ क्विन्टल चिनी फेला परेको प्रहरीले विज्ञप्तीमार्फत जनाएको छ ।

त्यसैगरि बाँसगढी नगरपालिका–१ मौरी खोला पुल स्थित बेवारिसे अवस्थामा थुपारी राखेको मुल्य रु ४२ हजार ५ सय बराबरको २५ किलोग्राम चिनीका १२ बोरा, ५० पोका सुपर पावर सुर्ती र डबल क्रिम चकलेट ५० पोका बरामद भएको प्रहरीले जारी गरेको विज्ञप्तीमा उल्लेख छ । फेला परेका अबैध सामान राजापुर भन्सार कार्यालय गुलरियामा बुझाईएको विज्ञप्तीमा उल्लेख छ ।