बर्दियामा नगद रु ३७ हजार बढी र ३४ गड्डी ताससहित ६ जुवाडे पक्राउ
शुक्रबार, जेठ १८, २०८१ मा प्रकाशित

बर्दिया,जेठ १८(फरकसमाचार)/ जुवातास खेलिरहेको अवस्थामा प्रहरीले ६ जनालाई पक्राउ गरेको छ । बढैयाताल गाउँपालिका–५ खैसा स्थित जयराम थारुले भाडामा लिई संचालन गरेको माछा पोखरीको डिलमा रहेको झुपडिमा जुवातास खेलिरहेको अवस्थामा प्रहरीले ६ जनालाई बिहीबार पक्राउ गरेको हो ।

जुवा खालबाट नगद रु ३७ हजार ६ सय ८५ र ३४ गड्डी तास बरामद भएको छ । ५ गड्डी तास खोलिएको र २९ गड्डी तास नखोलिएको अवस्थामा बरामद भएको छ । त्यसैगरि कौडा गोटि ६५ वटा बरामद भएको प्रहरीले जनाएको छ ।

पक्राउ पर्नेमा बढैयाताल गाउँपालिका–३ का ३६ वर्षिय राजु सुनार, ४८ वर्षिय हर्क बहादुर परियार, वडा नंम्बर ५ का ४० वर्षिय रामबृज थारु, २५ वर्षिय राजेन्द्र थारु, ४१ वर्षिय जगदिश भुसाल र वडा नंम्बर ६ का ४६ वर्षिय केशव बहादु सुनार रहेका छन् ।

छ जनालाई नियन्त्रणमा लिई ईलाका प्रहरी कार्यालय मैनापोखरमा राखी आवश्यक अनुसन्धान भईरहेको जिल्ला प्रहरी कार्यालय बर्दियाका डिएसपी तुल्सीराम अर्यालले जानकारी दिए ।

प्रतिक्रिया

सम्बन्धित खवर