बर्दिया, जेठ १९ (फरकसमाचार)/ अत्याधिक गर्मीले गुलरिया नगरपालिकाले थप छ दिन विद्यालय गर्ने निर्णय गरेको छ । गुलरिया नगरपालिकाले पहिलो पटक तीन दिनको लागि विद्यालय बन्द गरेको थियो । तापक्रममा सुधार नहुँदा गुलरिया नगरपालिका अन्तर्गतका सामुदायिक तथा संस्थागत विद्यालय जेठ २० गते(आइतबार) देखि जेठ २५ गते(शुक्रबार) सम्म बन्द रहने जनाईएको छ ।
केही दिन देखि यता बढी रहेको अत्याधिक गर्मीका कारण विद्यार्थीहरुको स्वास्थ्यमा प्रतिकुल असर परिरहेको तथा पठनपाठन गर्नमा असहज भईरहेको गुनासोपछि गुलरिया नगरपालिले विद्यालय बन्द गरेको छ ।
अत्याधिक गर्मिको कारण विद्यालय संचालन गर्न कठिनाई भएपछि शिक्षा नियमावली २०५९(संशोधन सहित) को नियम ८५ को उपनियम ३ अनुसार वर्खे बिदाबाट मिलान हुनेगरि विद्यालय बिदा गरिएको छ । शुक्रबार नगर प्रमुख स्तरीय निर्णयानुसार थप छ दिन विद्यालय बन्द रहने गुलरिया नगरपालिका शिक्षा, युवा तथा खेलकुद शाखाका अधिकृत सतिस यादवले सुचना प्रकाशित गरी जनाएका छन् ।