बर्दिया,जेठ २२(फरकसमाचार)/ भारतबाट अबैध रुपमा ल्याउँदै गरेको कुखुराको मासु र चिनी प्रहरीले बरामद गरेको छ । बढैयाताल गाउँपालिका–१ शान्तिपुर स्थितबाट प्रहरीले सोमबार बोईलर कुखुराको मासु बरामद गरेको हो । भारतबाट अबैध रुपमा ल्याउँदै गरेको अवस्थामा मासु नियन्त्रणमा लिएको प्रहरीले जनाएको छ ।

प्रहरीका अनुसार मुल्य रु ७ हजार बराबरको कुखुराको मासु बरामद भएको छ । मधुवन नगरपालिका–६ स्थित बेवारिसे अवस्थामा राखिएको मुल्य रु ७ हजार ५ सय बराबरको ७५ किलोग्राम चिनी फेला परेको प्रहरीले जनाएको छ ।

त्यसैगरि बढैयाताल गाउँपालिका–८ मुनालबस्ति स्थित भारतबाट नेपाल तर्फ ल्याई बेवारिसे अवस्थामा लुकाई छिपाई राखिएको मुल्य रु ५ हजार ५ सय बराबरको एक सय वटा कुखुराको चल्ला फेला परेको प्रहरीले जारी गरेको प्रेस विज्ञप्तीमा उल्लेख गरिएको छ ।