बर्दिया,जेठ २३(फरकसमाचार)/ योद्धा भन्ने बित्तिकै राजनितिक भाषा बुझिन्छ । तर,त्यस्तो होईन । योगदान गर्न सक्नेको नाम योद्धाको रुपमा सधै सम्झिरहने अटुट नाम हो । तीन दिन अघि देखि बर्दिया अस्पतालमा विरामीले थलिएकि गुलरिया वडा नं. १० कि १४ बर्षिय सुनिता यादवलाई रगत सहयोग गर्ने दुई यूवाको नाम योद्धाको रुपमा दर्ज भएको छ ।

गम्भीर बिरामी भई अस्पताल थलिएकि बालिकाको स्वास्थ्य उपचारको लागी रगत अभाव हुन नदिन रगत दान गर्ने दुई यूवाको काम सह्रानिय मानिएको छ । मंगलवार फरक समाचारको फेसबुक वालमा रगत अभाव भएको उल्लेख गर्दे अस्पतालमा भर्ना बालिकाको सहयोगको याचना सहित सामाग्री पोष्ट गरिएको थियो । अस्पतालमा भर्ना भएकि बालिकालाई ‘ए’ पोजिटिभ रगत आवश्यक रहेको फरक समाचारका फेसबुक वालमा उल्लेख गरिएको थियो ।

फरक समाचारमा गरिएको याचना हेरेर सम्पर्कमा आएका गुलरिया २ का सन्दिप यादव र गुलरिया ४ का सुभाष आचार्य बर्दिया अस्पतालमा स्वतस्फुर्त रुपमा रगत दान गरेका छन् । रगत दान गर्ने यादव र आचार्यलाई बालिकाको आफन्तको अनुहारमा खुसी फर्काएको छ ।
पटक पटक रगत चढाएर अस्पताल उपचार गरिरहेको बिरामीलाई दुई जना यूवाले गरेको सहयोग अतुलनिय साबित भएको चिकित्सक बताउँछन् । ‘बर्दिया अस्पतालमा जुटेको रगत हामीले चढाएका थियौ,’उनले भने,‘थप आवश्यक परेको रगत दुई यूवा दिनु भयो,अस्पताल उहाँको काम प्रति कृतज्ञ छ ।’

नेपाल रेकडक्रस सोसाईटि र बिभिन्न संघ संस्थाबाट उपलब्ध रगत बिरामीलाई उपलब्ध गराउँदै आएको अस्पताल प्रशासनले बताएको छ । अपुग प्वाईन्ट रगत सहयोग याचनासँगै उपलब्ध हुने बताउँदै सहयोगि मनबाट भईरहेको सहयोगले बिरामीले पुनः जन्म पाउँने गरेको समेत अस्पतालले खुलाएको छ ।