बुधबार, जेठ ३०, २०८१
मा प्रकाशित
1087
Shares
सङ्खुवासभा,जेठ ३० / सङ्खुवासभाको चिचिला गाउँपालिका–३ सोलाखानीमा पहिरोले पुरिएर बदियाका एक जनाको मृत्यु भएको छ भने अन्य दुई जना घाइते भएका छन् । बर्दिया घोरापिट्टाका गङ्गाराम थारुको मृत्यु भएको हो ।
मङ्गलबार रातिको अविरल वर्षापछि खसेको पहिरोमा परी अरुण तेस्रो जलविद्युत् आयोजनाका मजदुर थारुको मृत्यु भएको जिल्ला प्रहरी कार्यालय सङ्खुवासभाले जनाएको छ ।
प्रहरीका अनुसार मकवानपुरका उमेश कार्की र गोविन्द थारू घाइते भएका छन् । उनीहरू निदाएका बेला पहिरो खसेको हो । जलविद्युत् आयोजनाले कामदारका लागि निर्माण गरेका १४ वटा कोठा मध्ये ३ वटा पुरिएका छन् । –रासस
