बर्दिया,असार ३(फरकसमाचार)/ औषधी पसल दर्ता नगरि तथा अनुचित रुपमा औषधी बिक्री वितरण गर्ने मुद्दाका फरार कसुरदारलाई प्रहरीले पक्राउ गरेको छ ।

बढैयाताल गाउँपालिका–३ बिहारी लाल थारुलाई प्रहरीले आइतबार पक्राउ गरेको हो । अनुचित रुपमा औषधी बिक्री बितरण मुद्दामा थारुलाई जिल्ला अदालतले विस २०७९ साल असार २७ गते २ वर्ष ६ महिना कैद र रु ५५ हजार जरिवाना तोकेको थियो ।

अदालतले जरिवाना तोके देखि थारु फरार रहेका थिए । आफ्नै घर वतनमा लुकिछिपी बसिरहेको अवस्थामा प्रहरीले थारुलाई नियन्त्रणमा लिई आवश्यक कारवाही लागि अदालतमा दाखिला गरेको जिल्ला प्रहरी कार्यालयले जनाएको छ ।