मेनका चौधरी

बर्दिया,असार ३/ बारबर्दिया नगरपालिकाको आयोजनामा र जल तथा मौसम विज्ञान विभाग काठमाण्डौंको समन्वयमा आइ यच आर आरको सहयोगमा २ दिने प्रभावमा आधारित पुर्वानुमान कार्यशाला गोष्ठी सम्पन्न भएको छ । बारबर्दिया नगरपालिकाको सभाहलमा भएको कार्यशाला गोष्ठि नगर–प्रमुख छबीलाल थारुको अध्यक्षतामा उद्घाटन भएको हो ।

विशेष गरेर मौसम पुर्वानुमानलाई लक्षित गरि कार्यक्रमको आयोजना गरिएको हो । भई परि आउने प्राकृतिक र कृतिम विपदहरुबाट जोगिनका लागि पुर्वानुमानको जरुरी रहने भएकाले गोष्ठिको आयोजना गरिएको हो ।

बारबर्दिया नगरपालिकाको कार्यपालीकाका सदस्यहरुलाई र विषयगत शाखाहरुलाई पुर्वानुमानका विषयमा जानकारी गराएको छ । उक्त कार्यशालाको सहजीकरण जल तथा मौसम विज्ञान कार्यालय भैरहवाका प्रमुख तथा वरिष्ठ मौसम विद बरुण पौडेल, प्रभावमा आधारित मौसम पुर्वनुमान विज्ञ दिनानाथ भण्डारी र सुरज गौतमले गरेका थिए । कार्यक्रममा आई एच आर आर र डिसिएका प्रतिनिधिहरुको सहभागीता रहेको थियो ।