बर्दिया,असार ६/ गुलरिया नगरपालिका –९ टेपरी बस्ने कलावती सुनारको परिवारमा खडेरीको मौसममा समेत चिन्ताको कालो बादल मडारिरहेको छ । कलावतिले हिड्दा जमिन भासिए जस्तो मान्छिन् भने आकाश देखिएको कालो धम्बाले उनको मन विचलित भएको छ । हाथ खुट्टा कामेका छन् । बोल्दा जिउरोले भेउँ पाएको छैन ।

भारतीय वनरक्षकको निर्घात कुटाईले छोरा खगेन्द्रको शरिर भरि लागेको निलडाम मेटिएको छैन र भाँचिएको खुट्टा साहारा नहुँदा छोरा कुर्चीमा बसेर दिन र रात काटिरहेका छन् । भारतीयले रिहा गर्दाको क्षण सम्झिदै भक्कानिदै कलावति भनिन,‘छोरालाई तिनिहरुले पानी खान दिएनन्, पानी खान दिए त्यहि मर्छ कि भन्ने लागेको हुन पर्छ उनीहरुलाई,बोकेर अल्लि ओर आएर पानी मुखमा खसाले पछि छोराको सास चल्यो ।’

औषधि मुलो गर्ने पैसा छैन । पैसा जोहो गर्न नसक्दा कहि कतै उज्यालो कलावतिले नदेखेको भन्दै दुःख बिसाईन । छोराको हालखबर बुझन राज्यका निकाय कोहि पनि अझै नपुग्दा झन कलावतिको परिवार दुखी छ । छोराको थप उपचारको खोजीमा भौतारिरहेकि उनले राज्यको साहारा खोजिरहेकि छन् ।

आर्थीक बिपन्नतासँग बाच्न संर्घष गरिरहेको परिवारमा दुःख माथी दुःख थपिरहेको कलावतिको गुनासो गर्छिन । कलावतिका आखाँ मलिन छन्, र चिन्ताले अनुहारमा बनाएको घेरा एक एक गरि दिनदिनै थपिरहेका छन् ।

बिहान साझको जोहो गर्न समस्यामा भईरहेको अवस्था हामी माथी कस्तो बिपत्ति आएको भन्दै कलावति बेलाबेलामा आलाप बिलाप गर्छिन् । भारतीयबाट छोरा छुटाउँन पचास हजार बुझाउँनु पर्ने शर्त पूरा गर्न नसके आखै अगाडि ज्यानको जोखिम मोल्न पर्ने देखेर कति उनी हतोत्साहित छन् । स्थानीय भन्छन्,‘ खगेन्द्र रिहा हुँदा पैसा दिने सर्तमा ल्याएका हौ, अब भारतीयले हामीलाई आएर मार्ने हो कि भन्ने त्रास भयो । ’

माछा मार्न गएका भन्दै खगेन्द्रलाई भारतीय वनरक्षकले शनिबार दिउँस बेपत्ता पारेका थिए । नियन्त्रणमा लिएर भारतीयले खट्टामा बुट बर्जारदा हड्डि दुई टुक्रा भएको एक्सरेमा देखिन्छ । उनलाई धारिलो हतियारले प्रहार गर्दा टाउँकोमा गहिरो चोट छ ।

सोमबार बर्दिया अस्पतालमा सामान्य उपचार पछि खगेन्द्रलाई नेपालगंज रिफर गरिएको थियो । उनको खुट्टालाई अप्रेशन गरेर मात्र निको गर्न सकिने नेपालगंजका डाक्टरले सुझाएका थिए । बिपन्नताका कारण खगेन्द्रको उपचार नगरेर यति बेला मलम पट्टि भरमा घरमा राखिएको छ ।

नेपालगंज सम्म पुग्ने एम्बुलेन्स खर्च गाउँलेले उठाएर तिरेका थिए । थप उपचारको लागि पैसा जोहो नहुदा कलावति परिवार प्रताडित भईरहेको स्थानीय साबित्रा परियारले बताईन । ‘हामी पनि सामान्य परिवारका सीमाका बासीन्दा हौ’उनले भनिन्‘भारतीयलाई पैसा दिने शर्तमा ल्याएका छौ,उता उपचारका लागि समेत पैसा छैन ।’ उनका अनुसार भारतीय गाउँमै आएर नियन्त्रणमा लिएर जाने हो कि भन्ने गाउँलेमा त्रास भईरहेको छ । नेपालका सरकारका ठूला मान्छेले यस्तो अवस्थामा भारतीय पक्षसँग राम्रो सँग समन्वय गरेर सीमामा बस्ने नागरिकको सुरक्षाका लागि पहल गरिदिन सीमाबासीको माग छ । स्रोत नागरिकन्युज