बर्दिया,साउन १५(फरकसमाचार)/ भारतबाट अबैध रुपमा ल्याएको तोरीसहित एक जनालाई प्रहरीले पक्राउ गरेको छ । गुलरिया नगरपालिका–८ कोठिया गाउँ स्थितबाट प्रहरीले अबैध तोरीसहित एक जनालाई सोमबार पक्राउ गरेको हो । पक्राउ पर्नेमा गुलरिया नगरपालिका–१० का ३० वर्षिय शिवराज यादव रहेका छन् ।

प्रहरीका अनुसार बरामद तोरीको मुल्य रु ५ लाख ८० हजार बराबरको छ । पक्राउ परेका यादवले भे१त १३७८ नंम्बरको ट्याक्टरमा १८ क्युन्टल तोरी लोड गरि ल्याईरहेको अवस्थामा नियन्त्रणमा लिएको प्रहरीले जनाएको छ ।

त्यसैगरि गुलरिया नगरपालिका–११ गणेशपुर स्थितबाट मुल्य रु १४ हजार ७ सय ६० बराबरको बिडी, कमला पसन्द, सुर्ति र चिनी बरामद भएको प्रहरीले जनाएको छ । अबैध तोरीसहित पक्राउ परेका व्यक्ति र ट्याक्टर कारवाहीको लागि राजापुर भन्सार कार्यालयमा बुझाएको जिल्ला प्रहरी कार्यालय गुलरियाका प्रहरी निरीक्षक कुशल सिंह ठकुरीले जानकारी दिए ।