बर्दिया,असार २२ (फरकसमाचार) / कर्णाली नदीको गेरुवा भंगालोमा शनिबार बिहान पाटे बाघ झुल्कियो । एक्लै होईन, गलफ्रेन्ड सहित । ब्वाई फ्रेन्ड र गल फ्रेन्डको देख्नेले तस्बिर कैद गरे । सकारे सकारे सामाजिक संजालमा भाईरल बन्यो एक जोडी पाटे बाघ । तत्काल बाघ देखिएको सूचना सहित सर्तकता अपनाउँन प्रहरी र प्रशासन आह्वान गरे ।

जिल्लाको सदरमुकामबाट सिडिओ सुरेन्द्र पौडेल र सशस्त्र प्रहरी उपरीक्षक मान बहादुर शाही बाघ हेर्न गुलरियाबाट हुईकिए । बाघ हर्ने लालशामा पुगेका दुई जनाले नागों आखाबाट जोडी बाघको दर्शन गरे । खोला वारीबाट सिडियो पौडेलले नियाले भने खोलापारीबाट बाघले पनि हेरिरह्यो । म त साह्रै भाग्यमानी रहेछु एक जोडि बाघ तीन घन्टा देखि हेरेको सिडिओ पौडेलले खुसी साटे ।

बाघसँग आँखा मिचौलीले मात्र सिडिओले चित्त बुझाएनन् । नेपाल प्रहरीका एसपि केदार खनाललाई बोलाए । बाघले दुई एसपि र सिडिओलाई तीन घन्टा दर्शन ट्क्राईरहेको सिडिओ पौडेलले खुलासा गरे । खाता करिडोर नजिक एक जोडी बाघ देखिने गरेका छन् । बर्षको एक पटक मिटिङको समयमा बाघ देखिने गरेको प्रत्यक्षदर्शीले बताउँछन् ।

सशस्त्र प्रहरी बल नेपाल नंम्बर ३१ गणको भग्रैया बिओपि पोष्ट नजिक देखिने बाघ गेरुवा भंगालको टापुमा देखिएको हो । शनिबार दिनभरि पटक पटक बाघको जोडि देखिएपछि उक्त क्षेत्रमा सुरक्षाकर्मी परिचालन गरिएको छ । वस्तीसँग उक्त टापु जोडिएकाले प्रहरी र प्रशासनले सर्तकता अपनाउँन सार्वजनिक रुपमा आव्ह्वान गरेको छ । बर्दिया राष्ट्रिय निकुञ्ज र भारतीय संरक्षित वन तर्फ वा जतापनि जोडि बाघ जानसक्ने आँकलन गरिएको छ ।

पछिल्लो पटक गरिएको बाघ गणना अनुसार बर्दिया राष्ट्रिय निकुञ्जमा १ सय २५ बाघ रहेका छन् ।

बर्दिया राष्ट्रिय निकुञ्ज पाटे बाघ र हात्तीको लागि प्रख्यात मानिन्छ । हात्तीसार, गोही प्रजनन् केन्द्र अवलोकन तथा जंगल सफारी, जंगल वाकको लागि बर्दिया राष्ट्रिय निकुञ्ज पर्यटकको रोजाईमा पर्ने गरेको छ । निकुञ्ज सफारी गरेर फर्किएका अधिकांश पर्यटकहरुले जंगलको राजा पाटे बाघलगायत अन्य जनावर हेरेर खुसी भएर फर्किने गरेका छन् ।