अभिनव कुमार पाठक

बर्दिया, भदौ १५/बेपत्ता परिवारले गुलरियामा शान्ति पुर्ण विरोध ¥याली निकालेका छन् । १५औं अन्तर्राष्ट्रिय बेपत्ता दिवसको अवसरमा भुई तहका द्वन्द पीडितहरूले न्यायको माग गर्दै गुलरियामा शनिबार शान्ति ¥याली निकालेका हुन् ।

सशस्त्र द्वन्द्वको क्रममा बेपत्ता पारिएका व्यक्तिहरूको अवस्था तत्काल सार्वजनिक गराउन र बेपत्ता, हत्या, यातना, बलात्कार, घाइते, अङ्गभङ्ग, लगायत द्वन्द पीडितहरूको सत्यको खोजी र परिपूरणीय कार्यक्रम तत्काल सुरु गर, कानुनी जवाफदेहिता र भविष्यमा पुनः नदोहोरिने सुनिश्चता गर, दबाबसहित पीडितले ¥याली निकालेका थिए ।

द्वन्द पीडित समिति बर्दियाको अगुवाई र पीडितहरुको सहभागितामा ¥याली निकालिएको थियो । शान्ति ¥याली बजार परिक्रमा गरेको थियो । पीडितले बेपत्ता आफन्तको तस्विर, हाम्रो मान्छे कहाँ छन्, घटना अनुसन्धान प्रक्रिया चलिरहेको अवस्थामा परिपूरणको कार्यक्रम लागु गर, विगत दश वर्षे सशस्त्र द्वन्द्वका पीडितहरुको सत्य न्याय र परिपूरणको ग्यारेन्टी गर लगायतका प्ले कार्ड प्रदर्शन गरेका थिए ।