दलबहादुर सुनार
बर्दिया फागुन १/, बढैयाताल गाउँपालिकाका प्रदेश प्रशिक्षण प्रतिष्ठान नेपालगंजद्वारा जनप्रतिनिधिलाई लैङ्गिक समानाता नेतृत्व बिकास सम्बन्धि २ दने तालिम शुक्रबार सम्पन्न भएको छ ।

स्थानिय तहका कार्यपालिका सदस्य, निर्वाचित तथा मनोनित महिला, दलित, जनजाती र सिमान्तकृत सदस्यहरुको लागि लैङ्गिक समानता तथा सामाजिक समाबेशीकरण र नेतृत्व विकास सम्बन्धिको दुई दिने तालिम प्रदेश स्तरीय प्रशिक्षण प्रतिष्ठानको आयोजनामा बढैयातालको मैनापोखरमा भएको हो ।

लुम्बिनी प्रदेशको प्रशिक्षण प्रतिष्ठान नेपालगंजले आयोजना गरेको उक्त तालिममा प्रतिष्ठानका कार्यकारी निर्देशक मोती शर्माले पालिकाले बनाउने नीति, नियम, कानुन बनाउन र कार्यान्वयनका लागि जन प्रतिनिधी, कर्मचारीहरुको क्षमता बिकास गर्दै नेतृत्वतहमा पहुँच र अर्थपूर्ण सहभागितामा बृद्धि गर्ने उदेश्यले तालिमको आयोजना गरेको बताए ।

तालिममा प्रतिष्ठानका कार्यकारी निर्देशक मोती प्रसाद शर्माको अध्यक्षतामा शुरुभएको उक्त तालिममा प्रशिक्षक डा. नीरज नारायण जोशी र सृजना काफ्लेले लैङ्गिक समानता तथा सामाजीक समाबेशीकरण, लैङ्गिक उत्तरदायि बजेट, नेतृत्व बिकाससंग सम्बन्धि सहजीकरण गरेका थिए । तालिमको समापन कार्यक्रममा लैङ्गिक, समानता, सामाजिक समाबेशीकरण र नेतृत्व बिकासका लागि तालिमका सहभागि जनप्रतिनिधीहरुले नीतिगत रुपमा भएका ब्यबस्थालाई कार्यान्वयन गर्ने प्रतिबद्धता जनाएका थिए ।

प्रतिष्ठानका अधिकृत कृष्ण बहादुर बिष्टले संचालन गरेका थिए । तालिमको समापन कार्यक्रममा पालिकाका उपाध्यक्ष दिपाकुमारी गौतम, प्रमुख प्रशासकिय अधिकृत अर्जुन सबेदी, न्यायक समितिका सदस्य गंगबहादुर खत्री, महिला सदस्य आरति भट्टराई लगायत तालिमले बढी जिम्मेवार बनाएको र नीति तथा बिधी अनुसार कार्यान्वयन गर्ने बचन वद्धता गरेका थिए ।

दुई दिने तालिममा निर्वाचिच तथा मनोनित कार्यपालिका सदस्य, महिला सदस्य, दलित , जनजाति , सिमान्तकृत सदस्य, संचारकर्मी, महिला अगुवा लगाएत ३८ जनाको सहभिगता रहेको प्रतिष्ठानकी लैङ्गिक समानता सामाजिक समाबशीकरण बिज्ञ नरमाया सुनारले जानकारी दिईन् । साथै फागुन २,३ गते गुलरियामा र फागुन ४,५ गते मधुवन नगरपालिकामा यो तालिम संचालन हुने प्रतिष्ठानले जनाएको छ ।