बिहिबार, फागुन २०, २०७७
मा प्रकाशित
0
Shares
(फरकसमाचार)बर्दिया, फागुन २०
हिउँदे वालीका लागी आकाशे पानीको भर परेका बगनाहाका रामशरण चौधरी यतिबेला चिन्तित छन् । गहँुले पानी माग्ने बेलामा पानीको जोहोको लागी हारहार गुहार गर्दा पनि उनको समस्याको सुनुवाई भएको छैन । ‘न आकाशबाट पानी झर्छ, न नहरको पानी आयोजनाले दिन्छ’उनी गुनासो गर्छन् । एक बिगाहा जग्गा मध्य एक कठ्ठामा गहँु लगाएका उनलाई रासायनिक मल कर्जा तिर्न नसक्ने हो कि भन्ने चिन्ताले पिरोलेको उनले सुनाए । नहर निर्माण गर्ने नाममा लामो समय पानी नछाड्दा यस्तो नियति भोग्न परेको उनले गुनासो गरे । ‘नहरमा निर्माणको नाममा किसानले सास्ती पाएका छन्’उनले भने,’‘तर,नहर निर्माण गर्ने भने पनि त्यस क्षेत्रमा ठेकेदारले निर्माण क्षेत्रमा बालुवा समेत खसालेकोे छैन,काम कहिले शुरु गर्ला ? ।’
राष्ट्रिय गौरवको आयोजना बबई सिचाई,बैदीले दुई दशक अघि शुरु गरेको नहरको काम पुरा नहुदा किसानहरु सिँचाई सुबिधाबाट बञ्चित भएका छन् ।
यस वर्ष मर्मत गर्ने नाममा एक महिना अघि देखि नहर बन्द गरिएको बबई सिचाई आयोजनाका प्रमुख मधुकर रानाले बताए । नहर शुख्खा छ भने मर्मतको काममा ठकेदारले काम अघि बढाएको छैन ।
आयोजनाका अनुसार २७ निर्माण व्यबसायी नहर निर्माण गरिरहेको काम गरिरहेका छन् । तर,पुर्व तर्फको नहरमा ४ ठाउँमा काम शुरु गरेको छ भने पश्चिम तर्फ नहर निर्माणमा एक जना व्यबसायी संलग्न नभएको किसानको दाबी गर्छन् । पश्चिम तर्फ बग्ने नहर पनि बन्द छ । यतिखेर हावा चल्दा गँहुको विरुवा सुक्दै जादा किसान चिन्तित भएका छन् । उता, प्रमुख रानाका अनुसार चार महिना मात्र काम हुने हुनाले आयोजनाको प्रगति नहुने देखिएको छ ।’आयोजनाले समयमा काम गराउँने शर्तमा नहर बन्द गर्न सहमत भएको समिति सहमतिमा नहर बन्द गरिएको उनले जानकारी दिए ।
ठकेदार र आयोजनाले काम अघि बढाउँन नदेखाएका तत्परताका कारण पश्चिम र पुर्व तर्फका हजारौं किसान यतिवेला पिडित बनेका हुन ।
०४५ सालमा नहर बनाउन शुरु गरेपनि हाल शाखा प्रशाखाको निर्माणको काम बाँकी छ । किसानलाई पानी चाहिने बेला शाखा प्रशाखाको काम गरेर मुल नहरमा पानी बन्द गर्न नहुने किसान सुझाउँछन् । आयोजनाले तयार पारेको प्रगति कागजमा सिंचित क्षेत्र भनिएका अधिकांश सिँचाई बिहिन छ । टाडी वा उच्च स्थानमा सिचाई हुन नसकेको पुर्वी सिचाई प्रणालीका अध्यक्ष वलिराम थारु स्वीकार्छन् । आयोजनाको समन्वयमा केहि दिनमा नहर संचालमा ल्याउँनका लागि कुराकानी अघि बढेको उनले जानकारी दिए । नागरिक दैनिकबाट साभार
