काठमाडाैं, चैत्र १ : सिरहा मालपोत कार्यालयमा भएको प्रेसर कुकर बम विष्फोटमा परी घाइते हुनेको संख्या ८ पुगेको छ। जसमध्ये २ जना गम्भीर घाइते भएका प्रमुख जिल्ला अधिकारी प्रदीपराज कँडेलले जानकारी दिए।

बम विष्फोट भएको ठाउँमा गणतान्त्रिक मुक्ति मोर्चा(गोइत समूह)  पर्चा भेटिएको प्रदेश प्रहरी प्रवक्ता प्रहरी उपरीक्षक कृष्ण प्रसाईंले बताए। उनका अनुसार घटनामा ४ जना सामान्य घाइते भएका छन्। गम्भीर घाइते भएका सोही कार्यालयका नायब सुब्बा रहेका उनले बताए। त्यस्तै सेवाग्राही दिनेश कुमार भण्डारी पनि गम्भीर घाइते भएका उनले बताए।

गोइत समूहका दोस्रो तहका नेता रामविलास यादवले आजै प्रशासनसँग आत्मसमर्पण गरेका थिए। उनले आज बिहान साढे १० बजे जिल्ला प्रशासन कार्यालयमा विज्ञप्ति निकालेर आत्मसमर्पण गरेका सिरहाका प्रमुख जिल्ला अधिकारी प्रदीपराज कँडेलले बताए।

घटनास्थलमा प्रहरी र नेपाली सेनाको पुगिसकेको र घटना थप अनुसन्धान भइरहेको प्रसाईंले जानकारी दिएका छन्। थाहाखबरबाट