२ हजार ६ सय १५ नमुना परीक्षण गर्दा ५३ जनामा कोरोना संक्रमण पुष्टि
आइतबार, चैत ०१, २०७७ मा प्रकाशित

काठमाडौं, चैत १ । पछिल्लो २४ घण्टामा देशभर ५३ जनामा कोरोना भाइरस (कोभिड–१९) संक्रमण पुष्टि भएको छ । २ हजार ६ सय १५ जनाको नमुना परीक्षण गर्दा ५३ जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

योसँगै नेपालमा कोरोना संक्रमितको कुल संख्या २ लाख ७५ हजार २ सय ३१ पुगेको छ । उनीहरुमध्ये ३ हजार १४ जनाको मृत्यु भएको छ । पछिल्लो २४ घण्टामा कोरोना संक्रमणबाट कसैको पनि मृत्यु भएको छैन ।

यस्तै थप ७७ जना निको भएसँगै हालसम्म २ लाख ७१ हजार ३ सय २६ जना कोरोना संक्रमणमुक्त भएका छन् ।

हाल देशभर सक्रिय संक्रमितको संख्या ८ सय ९१ रहेको मन्त्रालयले जनाएको छ ।अनलाइनखबरबाट साभार

प्रतिक्रिया

सम्बन्धित खवर