बिहिबार, चैत १२, २०७७
मा प्रकाशित
0
Shares
बर्दिया, चैत १२(फरकसमाचार)
अवैध रुपमा भन्सार छली ल्याउदै गरेको सामान सशस्त्र प्रहरीले बरामद गरेको छ ।
बुधबार सशस्त्र प्रहरी बल नेपाल नम्बर गण हेड क्वाटर तथा मातहत युनिटबाट खटिएका प्रहरी टोलीले विभिन्न नाकाहरुबाट अवैध सामान बरामद गरेको छ । सशस्त्र प्रहरीका अनुसार बरामद सामानको मुल्य रु ७९ हजार १ सय ५० बराबरको छ ।
सुर्तिजन्य पदार्थ, कस्मेटिक सामान, मोटरसाईकलका पार्टस्, मट्टीतेल र ईलेक्ट्रोनिक सामान बरामद भएको सशस्त्र प्रहरीले जनाएको छ । बरामद सामान छोटी भन्सार कार्यालय गुलरियामा बुझाएको सशस्त्र प्रहरी उपरीक्षक नर बहादुर रावतले जानकारी दिए ।
पछिल्लो समय नाकामा सशस्त्र प्रहरीको उपस्थिती रहेको देखिन्छ । दिनहु जस्तो सशस्त्र प्रहरीले अवैध रुपमा सामान ओसार पसार गर्नेलाई नियन्त्रणमा लिएको छ । सशस्त्र प्रहरीको सक्रियताले तस्करी कम हुदै गएको स्थानीयले बताउछन् ।
