बर्दिया, चैत २० (फस)

हातहतियार तथा खरखजाना मुद्दाका फरार रहेका प्रतिवादीलाई प्रहरीले पक्राउ गरेको छ । गत माघ १६ गते बर्दिया राष्ट्रिय निकुञ्जको गस्ति टोलीले भरुवा बन्दुक ३ थान, गोली १७ थान र बारुद २ सय ग्राम सहित दुई जनालाई पक्राउ गरेको थियो । पक्राउ पर्नेमा गणेश बहादुर तिवारी र चक्र बहादुर बिष्ट रहेका थिए । सोही मुद्दाका एक जना फरार रहेका प्रतिवादी सुर्खेत बराहताल गाउँपालिका–२ सिस्नेरी बस्ने ३६ वर्षिय रविलाल मन्दिरलाई प्रहरीले पक्राउ गरेको छ । प्रहरीले पक्राउ गरेको मन्दिरको थप अनुसन्धान भईरहेको जिल्ला प्रहरी कार्यालय बर्दियाका प्रहरी निरीक्षक गोपाल पौडेलले जानकारी दिए ।