बर्दिया,जेठ १०(फरकसमाचार) / भारतबाट भन्सार छली अबैध रुपमा ल्याएको सामान प्रहरीले बरामद गरेको छ । विभिन्न स्थानबाट ६० हजार बढीको अबैध सामान प्रहरीले बरामद गरेको हो । गुलरिया नगरपालिका–११ स्थितबाट मुल्य रु ११ हजार २ सय ५ बराबरको अबैध सामान प्रहरीले बुधबार बरामद गरेको ।

बरामद सामानमा स्टील टिफिन १५ वटा, प्लाष्टिक टोकरी १८ पिस, फलामको कराई ४ लगायत अन्य सामान रहेको छ । सोही ठाउँबाट प्रहरीले मंगलबार मुल्य रु २४ हजार ८ सय ८० बराबरको भारतीय ड्यु र धानको बिउ बरामद गरेको थियो ।

त्यसैगरि बढैयाताल गाउँपालिका–६ रानीपुर स्थितबाट बुधबार मुल्य रु ५ हजार बराबरको तर्बुजा प्रहरीले फेला पारेको छ । बढैयाताल गाउँपालिका–२ सितापुर स्थितबाट मुल्य रु २५ हजार ५ सय ५४ बराबरको कुरमुरे,आलु चिप्सलगायत पेय पदार्थ बरामद भएको प्रहरीले जनाएको छ । बढैयाताल गाउँपालिका–३ सिमरा स्थितबाट मुल्य रु ५ हजार ४ सय २० बराबरको कुखुराको मासु, सुर्ती, बिडी, भेलीलगायत सामान बरामद भएको छ ।

बरामद सामान आवश्यक कारवाहीको लागि राजापुर भन्सार कार्यालयमा बुझाईएको जिल्ला प्रहरी कार्यालय गुलरियाका डिएसपी तुल्सीराम अर्यालले जानकारी दिए ।