बर्दिया,जेठ १५(फरकसमाचार)/ भारतबाट भन्सार छली अबैध रुपमा ल्याउदै गरेको सामानसहित प्रहरीले एक जनालाई पक्राउ गरेको छ । बढैयाताल गाउँपालिका–२ सितापुर स्थितबाट अबैध सामानसहित एक जनालाई प्रहरीले आइतबार पक्राउ गरेको हो ।

पक्राउ पर्नेमा गुलरिया नगरपालिका–११ का २२ वर्षिय अलि हुसेन रहेका छन् । प्रहरीका अनुसार हुसेनले अबैध रुपमा भे १ ह १०५१ नंम्बरको अटोमा मुल्य रु ८१ हजार बराबरको १२ बोरी सुपर पावर सुर्ती ल्याईरहेको थिए ।

त्यसैगरि बढैयाताल गाउँपालिका–७ भत्क्यापुल स्थित गस्ति गर्ने क्रममा बेवारिसे अवस्थामा मुल्य रु १ लाख ४४ हजार बराबरको २ हजार ४ सय जोर लेडिज मोजा फेला परेको प्रहरीले जनाएको छ ।

फेला परेको अबैध सामान अटोसहित हुसेनलाई नियन्त्रणमा लिई आवश्यक कारवाहीको लागि राजापुर भन्सार कार्यालयमा बुझाईएको जिल्ला प्रहरी कार्यालयका डिएसपी तुल्सीराम अर्यालले जानकारी दिए ।